*ﺍﺣﺘﺮﻡ ﺍﻟﻜﺒﻴﺮ ﻭﺍﻟﺠﺎﺭ ﻣﺤﻞ ﻣﺎ ﺗﺸﻮﻓﻮ* ..
*ﻭﺭﺍﻳﻚ ﺑﻲ ﺍﻟﻌﺪﻳﻞ ﻣﺘﻦ ﻗﻮﺍﻓﻲ ﺣﺮﻭﻓﻮ* ..
*ﺍﻟﺮﺍﺟﻞ ﺍﻟﻜﺮﻳﻢ ﻣﺎ ﺑﺠﺮﺳﻨﻮ ﻇﺮﻭﻓﻮ*..
*ﺍﻋﻮﺝ ﻛﺎﻥ ﻋﺪﻳﻞ ﺑﻌﺮﻑ ﻳﻜﻔﻲ ﺿﻴﻮﻓﻮ*..
********
*ﻟﺴﺎﻧﻚ ﺑﻲ ﺍﻟﺠﻤﻴﻞ ﺍﺣﺴﻦ ﺗﻄﻴﺐ ﺳﻴﺮﺗﻮ* ..
*ﻭﻣﺎ ﺗﻘﻮﻟﻚ ﻛﻼﻡ ﺑﺎﻛﺮ ﺗﻤﻮﺕ ﺑﻲ ﺣﻴﺮﺗﻮ* ..
*ﻧﻘﻴﺪ ﺍﻟﺮﺟﺎﻝ ﺍﺧﺘﺎﻫﻮ ﻓﺎﺭﻕ ﺩﻳﺮﺗﻮ* ..
*ﻣﺎ ﺑﻀﺮﺏ ﺍﻟﺳﻼﺡ ﺍﻥ ﺳﺤﺒﻮ ﻣﻨﻮ ﺯﺧﻴﺮﺗﻭ* ..
********
*ﺳﻼﺣﻚ ﺑﻲ ﺍﻟﻘﻴﻢ ﺧﻠﻴﻮ ديمة ﻣﻌﺒﻪ* ..
*ﻭﺧﻞ ﺑﺎﻟﻚ ﻃﻮﻳﻴﻴﻴﻞ ﻻ ﺗﺴﺐ ﻭﻻ ﺗﻨﺴﺒﻪ* ..
*ﺍﻟﺰﺭﻉ ﺍﻥ ﻧﺸﻒ ﻣﺎ ﺑﺘﻠﻘﻰ ﻣﻨﻮ الحبة* ..
*ﻭﺍﻻثر ﻣﺎ ﺑﺒﻴﻦ ﻓﻮﻗﻮ ﺍﻟﻌﺼﺎﺭ ﺍﻥ هبه*..
**********
*ﺍﻟﺪﻧﻴﺎ ﺑﺘﺰﻭﻝ ﻛﺎﻥ ﺩﺍﻳﺮﺓ ﻛﺎﻥ ﻣﻘﻠﻮﺑﻪ* ..
*ﻭﻛﻢ ﺷﺎﻟﺖ ﺭﺟﺎﻝ ﺍﻟﺤﺎﺭﺓ ﻛﺎﻧﻮ ﺗﻠﻮبه* ..
*ﺍﺑﻠﻴﺲ ﺍﻟﻠﻌﻴﻦ ﻣﺎ ﺗﺒﻘﻰ ﻟﻴﻬﻮ ﺇﻟﻌﻮبة* ..
*ﻓﻲ ﻋﺰ ﺍﻟﺨﺮﻳﻒ ﻣﺎ ﺑﺘﻧﻔﻊ ﺍﻟﺮﺍﻛﻮﺑﺔ* ..
**************
*ﺍﻟﺰﻭﻝ ﻛﺎﻥ ﺿﻌﻴﻒ ﻣﺎ ﺗﻘﻠﻞ ﺍﻧﺖ ﻣﻘﺎﻣﻮ* ..
*ﻓﻲ ﺍﻟﺸﻴﻦ ﻭﺍﻟﻜﻌﺐ ﻛﻞ ﺍﻟﺨﻠﻖ ﺑﺘﻼﻣﻮ*..
*ﺍﻟﺒﺤﺮ ﺍﻥ ﻃﻤﺢ ﺑﺎﺩﺭ ﺩﻓﺮ ﻫﺪﺍﻣﻮ* ..
*ﻣﺎ ﺑﺮﺣﻢ ﺑﺸﺮ ﻏﺪﺍﺭ ﺑﺸﻴﻞ ﻋﻮﺍﻣﻮ* ..
***************
*ﺷﻖ ﺩﺭﺏ ﺍﻟﺼﻼﺡ ﻭﺍﺳﻠﻚ ﻃﺮﻳﻘﻮ ﻭﺍﻋﺒﺮﻭ* ..
*ﻭﻋﻘﻠﻚ ﺑﺎﻟﺤﻜﻢ ﺣﺎﻭﻝ ﺩﻭﺍﻡ ﺗﺨﺘﺒﺮﻭ* ..
*ﻣﺎ ﺑﺸﻔﻰ ﺍﻟﻜﺴﺮ ﻣﻦ ﺩﻭﻥ ﻳﺤﻜﻤﻮ ﺟﺒﺮﻭ* ..
*ﻣﻬﻤﺎ ﺍﻟﺰﻭﻝ ﻳﻌﻴﺶ ﻻﺑﺪ ﻳﻌﻮﺩ ﻟﻲ ﻗﺒﺮﻭ* ..
**************
*ﺍﺭﻓﻊ ﺭﺍﺱ ﺍﺑﻮﻙ ﺍﻭﻋﻚ ﺗﻜﻮﻥ ﻣﺘﻮﺍﻃﻲ* ..
*ﻭﻣﺎ ﺗﺒﺎﺭﻱ ﺍﻟﺴﻔﻴﺔ ﻫﺎﺗﻚ ﺍﻟﻌﺮﻭﺽ ﺍﻟﻮﺍﻃﻲ* ..
*ﺍﻟﺪﻧﻴﺎ ﺍﻟﻌﺒﻮﺱ ﻓﻴﻬﺎ ﺍﺏ ﺻﻮﺍﺏ ﻭﺍﻟﺨﺎﻃﻲ* ..
*ﻣﺎ ﺑﺘﺮﺳﻰ ﺍﻟﺴﻔﻴﻨﺔ ﺍﻥ ﻣﺎﻟﻘﺘﻠﻬﺎ ﺷﺎﻃﻲ*..
****************
*ﺳﻴﺐ ﺩﺭﺏ ﺍﻟﻀﻼﻝ ﻟﻲ ﺍﻟﻔﺎﺭﻗﻪ ﻣﺎﺗﺘﺮﺩﻩ* ..
*ﺑﺎﺑﻦ ﺟﺎﺑﻠﻮ ﺭﻳﺢ ﺍﺣﺴﻦ ﻋﺪﻳﻞ ﻳﻨﺴﺪﻩ* ..
*ﻋﺎﻳﻦ ﻓﻲ ﺳﻤﺎﻙ ﺣﺪ ﻣﺎ ﺍﻟﺒﺼﺮ ﻳﺘﻤﺪﻩ* ..
*ﺍﻟﻨﺠﻢ ﺍﻥ ﻛﺘﺮ ﻭﺍﻥ ﻗﻠﻪ ﻣﺎ ﺑﻨﻌﺪﻩ* ..
*********
*ﻣﺎ ﺗﻬﺒﺶ ﻋﺮﺽ ﻣﺎ ﺗﺴﻌﻰ ﻟﻲ ﺗﻨﻘﻴﺪﻭ* ..
*ﺑﺒﻘﻰ ﻋﻠﻴﻚ ﺩﻳﻦ ﻗﺎﺳﻲ ﻭﺻﻌﺐ ﺗﺴﺪﻳﺪﻭ* ..
*ﺻﺎﺣﺒﻚ ﻛﺎﻥ ﺳﻔﻴﻪ ﻣﺎ ﺗﺴﻌﻰ ﻟﻲ ﺗﺄﻳﻴﺪﻭ* ..
*ﻭﺍﻟﻮﺟﻊ ﺁﺁ ﺧﻠﻖ ﻣﺎ ﺑﺤﺴﻮ ﺯﻭﻝ ﻏﻴﺮ ﺳﻴﺪﻭ* ..
************
*ﺑﻲ ﻟﻘﺎ ﺑﻲ ﻋﺪﻡ ﺧﻠﻴﻚ ﺳﺎﺗﺮ ﺣﺎﻟﻚ*..
*ﻭﻣﻬﻤﺎ ﺗﻀﻴﻖ ﻋﻠﻴﻚ ﻻﺑﺪ ﻣﻦ ﺗﺮﺗﺎﻟﻚ* ..
*ﻓﻲ ﺍﻟﺴﺮ ﻳﺎ ﺭﻓﻴﻖ ﺍﻧﻔﻖ ﻭﺟﻮﺩ ﺑﻲ ﻣﺎﻟﻚ* ..
*ﺍﻟﺘﺪﻳﻮ ﻳﻤﻴﻨﻚ ﻣﺎ ﺗﻌﺮﻓﻮ ﺷﻤﺎﻟﻚ* ..
*********
*ﺍﻣﺴﻚ ﻓﻲ ﺍﻟﺼﺒﺮ ﻋﻦ ﺩﺭﺑﻮ ﻻ ﺗﺘﺨﻼ* ..
*ﺍﻟﻐﻨﺎ ﻭﺍﻟﺠﻨﺎ ﻣﻜﺘﻮﺏ ﻭﺟﺎﻱ ﻣﻦ ﺍﻟﻠﻪ*..
*ﺍﻟﻨﻀﻢ ﺍﻟﻜﺘﻴﺮ ﻣﺎ ﺑﻴﺪﻱ ﺳﻴﺪﻭ ﻣﺤﻠﻪ* ..
*ﺑﺲ ﺧﻴﺮ ﺍﻟﻜﻼﻡ ﻣﺎ ﻗﻞ أوما دل*
الثلاثاء سبتمبر 05, 2017 5:58 pm
